வளலாயின் மைந்தரே பொன்மனச் செம்மலே – தாங்கள்
அமரத்துவமாகி அகவைகள் இரண்டாகிவிட்டனவா?
மாயம் எனும் நாமம் கொண்ட வேதிய வைத்திய திலகமே
தங்களால் நலமடைந்தோர் ஆயிரமாயிரம் பேர் இப்புவி
எங்கும் வியாபித்துள்ளனர் இதற்கு தங்கள் இறுதி நிகழ்வே சாட்சி

உற்றவரை உடன்பிறப்பாய் பாரபட்சம் இன்றி - அன்பைப்
பொழிந்து அரிய வழி காட்டினீர்கள் இன்று நாம் தங்கள் உடலை
பறிகொடுத்து உறவுக்காய் ஏங்குகின்றோம். தங்கள் இழப்பை
ஈடு செய்ய இன்று இங்கெவருமில்லை.

எங்கள் உணர்வுகளில் தங்களுடன் பழகிய அன்புமிகு
தருணங்களை நெஞ்சிலே சுமந்து கொண்டு
ஆத்ம சாந்திக்காய் இறைவனிடம் இறைஞ்சுகின்றோம்

ஓம் சாந்தி சாந்தி சாந்தி

குடும்பத்தார்

March 18, 2016

அமரர் திரு வேலுப்பிள்ளை தம்பித்துரை அவர்களின்

காலடித் தடங்கள்

வைரமுத்து மகன் சரவணமுத்து மகன் சபாபதிப்பிள்ளை மகன் வைத்தியர் வேலுப்பிள்ளை இன் பரம்பரயில் உதித்த கடைசிமகன் அமரர் தம்புத்துரையாவார். திரு தம்புத்துரை 1923 பங்குனி 21ம் திகதி வளலாயில் பிறந்தார். இவர் தனது தந்தையை 1949 ம் ஆண்டளவில் இழந்தார். இவர் தந்தையை இழந்த பின் அண்ணனுடன் இணைந்து ஆயுள் வேத வைத்தியத் தொழிலில் ஈடுபட்டார். அதன் பின் அண்ணன் மனைவியின் தங்கையையே இவர் 1962 அளவில் திருமணம் செய்து  எல்லோரும் ஒரே குடும்பமாய் ஒரே வீட்டில் வாழ்ந்து வந்தார்கள். இவர் தந்தை வேலுப்பிள்ளை அச்சுவேலி கிராமசபையில் 1937 அளவில் வளலாயைப் பிரதிநிதித்துவப் படுத்தும் ஒரு கிராமசபை உறுப்பினராக இருந்தார். சமகாலத்தில் மைத்துனர் அருளம்பலம் கிராமசபையில் எழுத்தராகப் பணிபுரிந்தார். தந்தை வழியைப் பின் பற்றி 1970 – 1974 காலகட்டத்தில் கிராமசபை உறுப்பினராகத் தெரியப்பட்டு பின் அச்சுவேலி கிராமசபைத் தலைவராகவும் பொதுத்தொண்டாற்றினார்.

அமரர் தம்பித்துரை அவர்கள் 1980 அளவில் தாயாரையும் 1985 தை மாதம் தனது மாமனாரையும் அதே ஆண்டில் புரட்டாதி மாதம் 28 ம் திகதி வைத்தியராக இருந்த இவர் அண்ணனையும் இழந்தார். அதன் பின் தனியே வைத்திய தொழிலைப் இவர் செய்து வந்தார். 1989 இல் மனைவியை இழந்த இவர் 1990 இல் கூட இருந்த மூன்று பிள்ளைகளுடன் கனடா சென்று அங்கு வாழ்ந்து வந்த மூத்த மகனுடன் இணைந்து கொண்டார். அன்றிலிருந்து இறக்கும் வரை மூத்த மகனுடன் இருந்து இறைவனடி சேர்ந்தார் இவர் இறந்து ஒரு மாத முடிவுக்குள் இவர் சகோதரி நாகரத்தினம் தம்பிராராசாவும் இறைவனடி சேர்ந்தார்.

முன்னாள் அச்சுவேலி கிராமசபைத் தலைவர்
ஆயுள்வேத வைத்தியர்
திரு வேலுப்பிள்ளை தம்பித்துரை அவர்களின்

ஒரு வருட நிறைவு
திதி வளர்பிறை துவாதசி (பங்குனி 19 2016)